六月切完芽之後,經過一兩個月就會見到切口附近又長出一啲芽頭,通常我哋會叫佢哋做二次芽。係呢個時候我哋要自己判斷,將啲方向生得唔啱嘅二次芽切除, 又或者明顯地比其他芽頭弱勢嘅都要切除,等其他二次芽可以生長得好啲。基本上如果同一個位置有三個二次芽你點都會揀到一個切除,而本身只有兩個芽的就可以自行考慮有冇需要。大致上我哋最終嘅目標都係希望松樹枝條尾端可以整齊地分成雙叉。二次芽生長完成後,盆栽個立體感就會更明顯!一樣啦,有唔明既歡迎問我哋!